လူရယ်လို့ ဖြစ်လာသည်နှင့်အမျှ
အရွယ်ရောက်တဲ့အချိန်တွင် အလုပ်ဆိုတာနဲ့ ကြုံဆုံကြမည်မှာ လူသားတိုင်းပင် ဖြစ်ပါတော့သည်။ အရွယ်ရောက်သော လူတစ်ယောက်တွင်
အလုပ်ဆိုသည့်အရာနဲ့ ထိတွေ့ရမှာ ကတော့ ဓမ္မတာပင် ဖြစ်ပါသည်။
ယခုနည်းပညာတိုးတက်လာသောခေတ်တွင် လူငယ်တိုင်း အလုပ်ကိုယ်စီ ရှိကြဖို့
အလိုအပ်ဆုံးပင် ဖြစ်ပါသည်။ အလုပ်အကိုင်နှင့်ပတ်သက်၍ ကမ္ဘာမှာ အပြောင်းအလဲတွေ
ရှိလာနေ သည်။ ကျွမ်းကျင်မှု အခြေခံမှာ အသိပညာ အခြေခံဘက်သို့ နေ့ချင်း ညချင်းဆိုသလို
ပြောင်းလဲ လာနေသည်။ အတိတ်ကာလနှင့် အဆက်အစပ်ကင်းသော တသီးတသန့်
ဖြစ်ထွန်းလာခဲ့သည်လို့ ဆိုနိုင်ပေ သည်။ ရှေးက ထုတ်လုပ်သူက သူ့စိတ်ကူးနှင့် သူ
ထုတ်လုပ်တာကို စားသုံးသူက သုံးကြရသည်။ ယခုတော့ ဒီလို မဟုတ်တော့ပေ။ ဘယ်သူတွေ
ဘာတွေသုံးသလဲဆိုတဲ့ စစ်တမ်းကောက်ယူမှုအပေါ် မူတည်ပြီး ပြုပြင် ဖန်တီးမှုများနဲ့
တီထွင်လာကြသည့် နည်းပညာခေတ်လို့ ဆိုလာနိုင်ပါသည်။ လူကြီးနဲ့ လူငယ် ခြားနားခြင်း
သည်ပင် လူငယ်တို့အတွက် အံဝင်ခွင်ကျ မောင်းနှင်အားဖြစ်လာသည်။ လူငယ်တို့ရဲ့
ပင်ကိုစရိုက်ကိုက တစ်ဘာသာရှိနေသည့်စိတ်က အလုပ်လုပ်မယ်ဆိုသည့် စိတ်အခြေခံ
အားအင်တစ်ရပ်ကို ဖြစ်ထွန်းစေ ပါသည်။ အထူးသဖြင့် လူငယ်တိုင်းမှာ ရှိနေသည့်စိတ်က
အလုပ်လုပ်မယ်ဆိုတဲ့ အတွေးအခေါ် အယူအဆ သစ်များ ထုံမွှမ်းနေဖို့ လိုအပ်လှပေသည်။
အလုပ်ကြိုးစားခြင်းသည် ကြွယ်ဝ ချမ်းသာခြင်းလမ်းကို တည်ဆောက်နေခြင်း
ဖြစ်ပါသည်။
လူတိုင်း လူတိုင်း အလုပ်လိုသာ သဘောထား၍ လုပ်ကိုင်ခြင်းနှင့် အလုပ်ကို ကြိုးစား၍
လုပ်ကိုင်ခြင်း တို့ကြားတွင် ခြားနားမှုရှိသည်။ အလုပ်ကို အလုပ်လိုသာ သဘောထား၍
လုပ်ကိုင်လျှင် လက်ခံနိုင်ဖွယ်ရှိသော ရလဒ်ကိုတော့ ရရှိမည်။ အလုပ်ကို ကြိုးစား၍
လုပ်ကိုင်လျှင်မူ အကောင်းဆုံး ရလဒ်ကို ရရှိမည် ဖြစ်ပေသည်။ ဇွဲရှိရှိနှင့်
အကောင်းဆုံး ကြိုးစားအားထုတ်လုပ်ကိုင်မှသာ လုပ်ငန်းခွင်ရော ဘ၀တွင်ပါ
ပေါကြွယ်နိုင်ပါမည်။ အလုပ်အပေါ် သစ္စာရှိစွာ ဇောက်ချလုပ်ကိုင်ခြင်းဖြင့် အကောင်းဆုံး
လုပ်ဆောင်ချက် ရရှိနိုင်ရန် လုံလောက် သော စွမ်းအားကို ရရှိပါမည်။ သင်
လုပ်လေသမျှတို့၌ လုပ်သင့်၍ လုပ်နေသည်ဟု မခံယူဘဲ စိတ်ရင်းအမှန်နှင့် ပြင်းပြသော
စိတ်ဆန္ဒများပါ ထည့်ပေါင်း လုပ်ဆောင် သင့်သည်။ အလုပ်က သင့်ငွေကြေး ပိုင်းဆိုင်ရာရော
ကျန်းမာခြင်းကိုပါ တိုးတက်ကောင်းမွန်စေပြီး အလုပ်လုပ်နေခြင်းကြောင့် မကောင်းမှု
အများအပြားမှလည်း ရှောင်ကျဉ်ရာ ရောက်သည်ကို သင် အကျိုးခံစားရမှာ ဖြစ်ပါသည်။
တစ်နေ့တာလုံး အလုပ်ကို ကောင်းစွာ ကြိုးစားပြီး လုပ်ဆောင် ပြီးစီးသည့် နေ့မျိုးတွင်
သင်သည် အင်မတန် ကျေနပ်တင်းတိမ် ပျော်ရွှင်ရလိမ့်မည်။ ပျင်းရိငြီးငွေ့ ဖွယ်ကောင်းသော
အသက်ရှင်သန်မှုသည် စဉ်းစားတွေးခေါ်တတ်သည့် အရာ အမူအကျင့်များကို ၀ါးမျိုးလိုက်ပေမည်။
အလုပ်ကြိုးစားလုပ်ဆောင်ခြင်းသည် သင့်ဘ၀ကို မြှင့်တင်ရာ ရောက်သည်။ အလုပ်
ကြိုးစားခြင်းနှင့် ဇွဲလုံ့လရှိခြင်းတို့သည် သင့်အား အများနှင့်မတူ
တမူထူးခြားစေပြီး ထိုသို့ လုပ်ဆောင်ခြင်း ကြောင့် လူအများကြားတွင်
သိသာထင်ရှားစေတဲ့အပြင် သင့်လုပ်ရပ်များကိုလည်း ထိုသူတို့ သတိမူလာပါ လိမ့်မည်။
အလုပ်လုပ်ခြင်းဖြင့်သာ လိုအပ်သော အရာဝတ္ထုများကို ရရှိနိုင်ပြီး ထိုအရာများဖြင့်
အခြားသူများရဲ့ လိုအပ်ချက်များ ကို ဖြည့်ဆည်းကူညီနိုင်ပါမည်။ ကျွန်မတို့အားလုံး
အလုပ်လုပ်ကြမှသာ ကျွန်မတို့ ကိုယ်တိုင်နှင့် ကျွန်မတို့ပတ်ဝန်းကျင်မှ
လိုအပ်နေသူများကို ပေးကမ်းထောက်ပံ့ ကူညီနိုင်မှာ ဖြစ်ပါသည်။ သင်လမ်းစ ရှာတတ်လျှင်
ဝင်ငွေရနိုင်မည့် နည်းလမ်းမြောက်မြားစွာ ရှိပါသည်။ မည်သူ တစ်ဦး တစ်ယောက်ကမျှ
အခြားသူများရဲ့ အိတ်ကပ်ထဲမှ ငွေကို အားကိုးပြီး အသက်မရှင်ပါနှင့်။
ကျွန်မတို့အားလုံးတွင် မိမိရဲ့ စားဝတ်နေရေးအတွက် မိမိကိုယ်တိုင် မှန်မှန်ကန်ကန်
ရှာဖွေလုပ်ကိုင် စားသောက်နေထိုင်ရန် တာဝန်ကိုယ်စီ ရှိကြပါသည်။ အလုပ်အကိုင်ရဖို့ရန်
ခက်ခဲကောင်း ခက်ခဲမည် ဖြစ်သော်လည်း ၀င်ငွေရဖို့ရန် မပျင်းမရိ နည်းလမ်းရှာပြီး
တစ်ပါးသူများကို မမှီခိုဘဲ မိမိကိုယ် မိမိ ရပ်တည်နိုင်ရမည်။ သင်တစ်ခု
သိထားဖို့ကတော့ အောင်မြင်မှု ဆိုသည်မှာ မိမိ၏ကိုယ်တွင်းမှ အစပြုပြီး
မိမိတို့ကိုယ်တိုင် ဖန်တီးနိုင်၏ ဆိုတဲ့ အမြင်ကို ထားရှိဖို့သာ လိုအပ်လှပါသည်။
သင့်အရည် အသွေးများကို အမြဲတိုးတက်မှုရှိနေစေရန် အမြဲဖန်တီးနေရမည်။ ပါးနပ်လိမ္မာစွာ
အလုပ်လုပ်တတ်ခြင်း ဆိုသည်မှာ တူညီသော တစ်ချိန်တည်းတွင် အမှုသာ၍ ပြီးစီးနိုင်ခြင်း
သို့မဟုတ် ယခင် ကထက် ပို၍ လုပ်ဆောင်နိုင်ခြင်းတို့ကို ဆိုလိုပါသည်။ သင်သည်
သင့်ပြိုင်ဘက်ထက် ပိုမိုသာပြီး ဒီထက် ကောင်းမွန်အောင် လုပ်ဆောင်နိုင်လျှင် သင့်အသိုင်းအ၀ိုင်းတွင်
အစွန်အဖျားရောက်နေသော နေရာမှ အချက် အချာကျသောနေရာသို့ လူအများက သင့်ထုတ်ကုန်
ဝန်ဆောင်မှုတို့ကို တမ်းတရသော အနေအထားသို့ အမှန်တကယ် ရောက်လာမည် ဖြစ်ပေသည်။
လူတိုင်းပင် စိတ်ချမ်းသာမှုကို အလိုရှိကြသည်။ စိတ်ချမ်းသာမှုကိုရမှ
လူ့ဘ၀ရကျိုးနပ်မည်ဟု ယူဆကြသည်။ ထို့ကြောင့် လူတို့သည် စိတ်ချမ်းသာမှုတည်းဟူသော
ပန်းတိုင်ဆီသို့ ရည်မှန်းသွားနေကြ သည်။ စိတ်ချမ်းသာမှုကား နေရောင်ခြည်ထဲ၌
ပြိုးပြိုးပြက်ပြက် တောက်ပနေသော မြူမှုန်ကလေးများကို လက်ဖြင့် ဖမ်းခြင်းငှာ
မစွမ်းနိုင်သကဲ့သို့ ရနိုင်ရန် ခက်ခဲလှသည်ဟု လူတို့ယူဆဖွယ်ရာ ဖြစ်နေခဲ့သည်။
စိတ်ချမ်းသာမှုကို လိုချင်ကြသည်မှာ လူတိုင်းရဲ့ စိတ်အတွင်းသန္တာန်ပင် ဖြစ်ပါသည်။
ပြန်စဉ်းစားကြည့်ဖို့ လိုသည်မှာ စိတ်ချမ်းသာမှုကို မရနိုင်လောက်အောင် မည်သည်က
တားဆီးထားပါသနည်းဟူသော အဖြေကား ရလေပြီ။ ယင်းမှာ ပျင်းရိခြင်းနှင့်
ငြီးငွေ့ခြင်းသည် စိတ်ချမ်းသာမှုနှင့် ဖီလာဖြစ်သည်ကို တွေ့ရှိကြရလေသည်။
ပျင်းခြင်းသည် ပျော်ခြင်းရဲ့ ဆန့်ကျင်ဘက်ပင် ဖြစ်ပါသည်။ အများအားဖြင့်
ငြီးငွေ့ခြင်းကို လူတို့သည် အပျော်အပါးနှင့် ဖြေရန် အားထုတ်တတ်ကြပါသည်။
အပျော်အပါးသည် ငြီးငွေ့ခြင်းကို ပပျောက်စေနိုင်သည့် ဆေးအစစ်အမှန် မဟုတ်ချေ။ အပျော်အပါးသည်
တစ်ခဏတာမျှသာ ဖြေဖျော်မှုဖြစ်ပြီး စိတ်ချမ်းသာမှုအစစ် မဟုတ်သည်သာမက စိတ်နှလုံး
မသာယာဖွယ်သော မကောင်းကျိုးများကိုလည်း ပေးတတ်သေးသည်။ ကျွန်မတို့သည်
ငြီးငွေ့ခြင်းနှင့် ပျင်းရိခြင်းရဲ့ အကြောင်း ရင်းကို ရှာသောအခါ ကျွန်မတို့ရဲ့
ဘ၀တစ်သက်တာ အချိန်ကို ဇယားချ၍ မသုံး တတ်ကြခြင်းကြောင့် ဖြစ်သည်ကို တွေ့ရပေ သည်။
ကျွန်မတို့ရဲ့ ဘ၀တစ်သက်တာ အချိန်ဇယားသည် ညီညာ မျှတမှု မရှိ၊ တစ်စုံတစ်ခုက လို၍
တစ်နေရာက ပိုနေလျှင် ထိုလိုသောအချိန်၊ ပိုသောအချိန်မှာ ကျွန်မတို့ အဖို့
ပျင်းရိခြင်းနဲ့ ငြီးငွေ့ဖွယ်ရာ ဖြစ်လာတတ် ပေသည်။
အလုပ်လုပ်ရာ၌ မည်သည့်နည်းဖြင့်
ထိပ်တန်းရောက်နိုင်မည်နည်း။ သင် ကြိုးစားသည့်အပြင် ပါးနပ် လိမ္မာစွာရှိဖို့
လိုအပ်ပါသည်။ ပါးနပ်လိမ္မာစွာ လုပ်ကိုင်ဆောင်ရွက်ခြင်းဟုဆိုရာ၌ အလုပ်လုပ်ပြီး
တိုးတက်မှု ရှိစွာဖြင့် လုပ်ကိုင်ဆောင်ရွက်တတ်ခြင်းကို ဆိုလိုပါသည်။
ယခုလက်ရှိအချိန်အထိ လုပ်ဖူးသမျှတွင် အကောင်း ဆုံးဖြစ်သည်ဆိုသော အရာထက် စဉ်ဆက်မပြတ်
တိုးတက်ကောင်းမွန်နေအောင် မည်ကဲ့သို့ ကြိုးစား လုပ်ဆောင်ရ မည်ကို သင်
အမြဲဆန်းစစ်သင့်သည်။ လူ၏ တိုးတက်မှု ပျက်စီးစေသည့်အရာမှာ ပျင်းရိခြင်းပင်
ဖြစ်ပါသည်။ လူ့သဘာဝအရ ပျင်းရိတတ်သည်။ ပျင်းရိခြင်းကြောင့် သင့်အလုပ်များ ပျက်စီး
ဆုံးရှုံးသွားသည်ကို သင် သတိပြုမိမည် မဟုတ်ပါ။ ကျွန်မတို့အားလုံးသည် တစ်နည်းမဟုတ်
တစ်နည်းအားဖြင့် ပျင်းရိကြသည်။ လူအချို့သည် တစ်နေရာရာ၌ ကြိုးစားအားထုတ်တတ်ကြပြီး
တစ်နေရာရာတွင် အပျင်းထူတတ်ကြသည်။ ယနေ့လုပ်ရမည့်အလုပ်ကို မနက်ဖြန်သို့ ရွှေ့တတ်ကြ
ပေသည်။ လူတိုင်း သတိမမူမိသောအရာကတော့ အပျင်းထူခြင်းက ၀ါးမျိုနေခြင်းပင် ဖြစ်ပါသည်။
ကျွန်မတို့ ကြိုးစားပမ်းစား လုပ်ဆောင်ကြသည့်အပိုင်း၌ ကြွယ်ဝ ပြည့်စုံကာ
ငြိမ်းငြိမ်းချမ်းချမ်း သာသာယာယာဖြင့် အစီအစဉ်တကျရှိပြီး၊ ကျွန်မတို့ သတိမမူ
လျစ်လျူရှုထားသည့် ဘ၀အစိတ်အပိုင်းတို့၌မူ အပျက်အစီးများနှင့် နာကျင်ခြင်းများသာ
ရောပြွန်းနေမည် ဖြစ်ပါသည်။ တစ်ခါတလေ လူ့အကျင့်ဆိုသည့် အတိုင်း အလုပ်ကို သုံးလေးရက်
လောက် လုပ်ပြီး တစ်လလောက် နားချင် နားနေပေလိမ့်မည်။ ကျွန်မတို့ဆီမှာ အစဉ်အမြဲ
ခိုအောင်းနေသည့် ပျင်းရိ ခြင်း ဆို သည့်အရာကို လူတိုင်း တိုက်ဖျက်သင့်ပေသည်။
ကျွန်မတို့ကိုယ်တိုင်
ကျွန်မတို့ကိုယ်တွင်း၌ အစဉ်ပင် တိုက်ပွဲဝင်နေရသည်။ ပျင်းရိခြင်းကို အောင်နိုင်
သည့် တစ်ခု တည်းသော နည်းလမ်းမှာ မိမိကိုယ် မိမိ ပျင်းရိကြောင်း ၀န်ခံခြင်းပင်
ဖြစ်ပါသည်။ ကျွန်မတို့ရဲ့ အတွင်းသန္တာန်ထဲမှာ ငြင်းဆိုနေသော အရာများကို
အောင်နိုင်ဖို့ စတင်ပြင်ပြီး ကျွန်မတို့ လုပ်သင့်သည့် အရာများကို ပြီးမြောက်အောင်
စတင်လုပ်ဆောင်ပါ။ ပျင်းရိခြင်းများကို စတေးလိုက်ပြီး တာဝန်မယူချင်၍ ပေးသော
ဆင်ခြေများကို နေ့စဉ်နှင့်အမျှ ဖယ်ရှားလိုက်ပါ။ လူပျင်းသည် အသိတရား မရှိသည့်အပြင်
ပျင်းရိခြင်းကြောင့် လူမိုက်မည်၏။ ပျင်းရိခြင်းက သူ့ဘ၀ကို ၀ါးမျိုနေပြီး
သူအလိုရှိသော ကောင်းသည့်အရာ အားလုံးကို ဖျက်ဆီးပစ်နေကြောင်းကို နားမလည်ပေ။
ကျွန်မတို့ ကြိုးစားလုပ်ဆောင်သော အရာများ အတွက် ကောင်းကျိုးများကို အမှန်တကယ်
ရရှိခံစားကြရမည် ဖြစ်ပါသည်။ လူပျင်းတစ်ယောက် ထားရှိသော အတွင်းသန္တာန်မှာ ဘ၀တွင်
ငြိမ်းငြိမ်းချမ်းချမ်းနှင့် အပူအပင်ကင်းစွာ နေနိုင်ရေး ဖြစ်သည်။ ပြဿနာ အပူအပင်
ကင်းရန် နေထိုင်နိုင်ရေးသည် အတွင်းသန္တာန် မဟုတ်ပါ။ ထိုသို့ နေထိုင်သွားခြင်းဖြင့်
ဆုတ်ယုတ်ခြင်းများ ရရှိပိုင်ဆိုင်လာမည် ဖြစ်ပါသည်။ ဒီတော့ ပျင်းရိခြင်းကို
ကျော်လွှားနိုင်မည့် လမ်းကတော့
၁။ သင်သည် လူပျင်းဖြစ်သည်ကို ၀န်ခံပါ။
၂။ ဆင်ခြေများ ပေးနေခြင်းမှ
ရပ်တန့်ပါ။
၃။ နေ့စဉ်ပြုလုပ်ရမည့် ကိစ္စများကို
ကောင်းကောင်းရေးဆွဲပြီး အမြန်လုပ်ဆောင်ပါ။
၎။ မဆိုင်းမတွ ယခုပင် ထလုပ်ပါ။
၅။ ပန်းတိုင်ထားရှိပြီး အပြီးသတ်ရမည့်
ရက်စွဲများ သတ်မှတ်ပါ။
၆။ ဇွဲ လုံ့လရှိပါ။
၇။ မိမိကိုယ်ကို အခြားသူများ၏
အစစ်အဆေးကို ခံယူရန် အသင့်ရှိပါ လို့ ပြောချင်ပါသည်။
ပျင်းရိခြင်းသည် ကျန်းမာရေးကို ဖျက်ဆီးစေတတ်သည်။ စိတ်ဓာတ်ညံ့ဖျင်းစေတတ်သည်။ ဥာဏ်
ထိုင်းမှိုင်း စေသည်။ ပညာရေး၊ စီးပွားရေး နှောင့်နှေးစေသည်။ မကောင်းကျိုးဟူသမျှ၏
အရင်းအမြစ် ဖြစ်ကြောင်းကို ကျွန်မတို့ တွေ့မြင်ကြရပေသည်။ ပျင်းရိခြင်းကို
အောင်မြင်ခြင်းဆေးနည်းသည်ကား အနားမနေ အလုပ်လုပ် ခြင်းသာလျှင် ဖြစ်ပေတော့သည်။
လူသားအားလုံး ပျင်းရိခြင်းမှ ကင်းဝေးနိုင်ကြ ပါစေ…။စိတ်ချမ်းသာအောင် ဘယ်လိုနေမလဲ…?
…တစ်ခါတုန်းက
ကဿပဘုရားရှင် ပရိနိဗ္ဗာန်စံတော်မူတဲ့အခါ ကြွင်းကျန်တဲ့ ဓာတ်တော်တွေကို ဌာပနာပြီး
ရွှေစေတီ တည်ပါတယ်။ အရပ်လေးမျက်နှာက ပရိသတ်အပေါင်းကလည်း ပန်းနံ့သာတွေနဲ့ ရွှေစေတီကို
ပူဇော်ကြပါတယ်။ ပန်းတွေနဲ့ ပူဇော်ပွဲမှာ မထင်ရှားတဲ့ အမျိုးသားလေးတစ်ယောက်လည်း
ပါပါတယ်။
…ပန်းပူဇော်သူတွေ
ပြန်သွားတဲ့အခါ အမျိုးသားငယ်က ပန်းတင်လှူထားတာတွေ မညီမညာ ဖြစ်နေတာတွေ့ရတဲ့အတွက်
ကြည့်လို့ကောင်းအောင် ပြုပြင်ပြီး ပြန်ပူဇော်ပါတယ်။ ဒါတင်မကပါဘူး။
သူများလှူခဲ့တဲ့ပန်းတွေကို ပြန်ပြုပြင်ပြီး ပူဇော်ပြီး အဲဒီပူဇော်မှုကိုပဲ
အာရုံပြုပြီး မြတ်စွာဘုရားရှင်ရဲ့ ဂုဏ်တော်တွေကို ပွားပါတယ်။ ဂုဏ်တော်ပွားတဲ့အခါ
စိတ်က ကြည်ကြည်လင်လင် ဖြစ်လာပါတယ်။ ပြုထားတဲ့ကောင်းမှုကို နှလုံးသားထဲမှာ
ထည့်ထားလိုက်ပါတယ်။
…သက်တမ်းစေ့လို့
ကွယ်လွန်တဲ့အခါ မညီမညာဖြစ်နေတဲ့ ပန်းတွေကို ပြန်ပြုပြင်ပြီး ပူဇော်ခဲ့ရတဲ့
ကုသိုလ်ကံကြောင့် တာဝတိံသာနတ်ပြည်မှာ သုနိက္ခိတ္တနတ်သားရယ်လို့ ဖြစ်ရပါတယ်။ မြန်မာလိုပြောရင်တော့
“ကောင်းကောင်းထား” ပါ။ တန်ခိုးအာနုဘော်ကြီးသလို အခြံအရံတွေလည်း များစွာရပါတယ်တဲ့။
…ဂေါတမမြတ်စွာဘုရားရှင်
ပွင့်တော်မူတဲ့အခါ ရှင်မဟာမောဂ္ဂလာန်မထေရ်မြတ် တာဝတိံသာ နတ်ပြည်ကို ရောက်လာပြီး
ဘယ်လိုကုသိုလ်တွေပြုခဲ့လို့ ဒီစည်းစိမ်တွေရတာလဲလို့ ကောင်းကောင်းထား နတ်သားကို
မေးတော်မူပါတယ်။
…ဒီတော့
နတ်သားက “တပည့်တော်ဟာ ရွှေစေတီမှာ ဖရိုဖရဲ မညီမညာ တင်ထားတဲ့ ပန်းတွေကို ကြည့်လို့
ကောင်းအောင် ကြည်ညိုဖွယ်ဖြစ်အောင် ပြန်ပြုပြင်ပြီး ပူဇော်ခဲ့ပါတယ်ဘုရား။
အဲဒီကုသိုလ်ကြောင့် ဒီနတ်စည်းစိမ်တွေကို ခံစားနေရတာပါဘုရား” လို့ ပြန်လျှောက်ပါတယ်။
…အရှင်မဟာမောဂ္ဂလာန်က
လူ့ပြည်ပြန်ရောက်တဲ့အခါ ဒီအကြောင်းကို မြတ်စွာဘုရားကို ပြန်လျှောက်ကြပါတယ်။
မြတ်စွာဘုရားရှင်ကလည်း ဒီအကြောင်းကိုပဲ လူပရိသတ်ကို ပြန်ဟောပြ ပေးတော်မူပါတယ်။
…မြတ်စွာဘုရားရဲ့
တရားကို နာကြားရတဲ့ ပရိသတ်တွေဟာ သုနိက္ခိတ္တနတ်သားကို အားကျပြီး “ငါတို့လည်း
သုနိက္ခိတ္တ နတ်သားလို ပိုက်ဆံကုန်စရာမလိုဘဲ သူများလှူတဲ့ပန်းကို ကြည်ညိုဘွယ်
ဖြစ်အောင် ပြန်ပြုပြင် ပူဇော်ရင် နတ်စည်းစိမ်ကို ရလိမ့်မယ်” လို့ နှလုံးသွင်းပြီး
စေတီတော်ကို ရောက်တဲ့အခါ သူများ တင်လှူပြီးသား ပန်းတွေကို ကြည်ညိုဘွယ်ဖြစ်အောင်
ပြုပြင်ပြီး ပြန်ပူဇော်ကြ ပါတယ်။ အဲဒီကုသိုလ်ကြောင့်ပဲ သူတို့လည်း
နတ်ပြည်ရောက်ကြရပါတယ်တဲ့။
(၀ိမာန၀တ္ထုအဋ္ဌကထာ၊
သုနိက္ခိတ္တ၀တ္ထု)
…ရောက်တဲ့အရပ်မှာ
ကိုယ့်ကိုယ်ကိုယ် ကုသိုလ်ဖြစ်အောင် လုပ်တတ်လိုက်ပုံလေးကို သဘောကျလို့ ဒီဝတ္ထုလေးကို
ထုတ်ပြလိုက်တာပါ။
…ပင်ကိုယ်အားဖြင့်
သူ့ရဲ့စိတ်ကလေးကကို မှန်နေလို့ပါ။ ပန်းတွေ ပြုပြင်နေတဲ့အချိန်မှာ
ပန်းပိုင်ရှင်တွေကို အပြစ်တင်တဲ့စိတ်လည်း မရှိမနေခဲ့ပါဘူး။ လူငယ်စကားနဲ့ ပြောရရင်
ဆရာကြီးလုပ်ချင်တဲ့စိတ် ရှိမနေခဲ့ပါဘူး။ တကယ့်ကို စ်ိတ်ထားဖြူဖြူလေးနဲ့
လုပ်ခဲ့တာပါ။ ပြီးတော့ ပိုက်ဆံလည်း မကုန်ခဲ့ပါဘူး။ ကုသိုလ်များ
ရချင်တဲ့သူအတွက်တော့ အမြဲက်ို လွယ်နေတော့တာပါ။
…စေတီကနေ
အိမ်ပြန်လာတဲ့အခါ သူ့ရဲ့ ခြေလှမ်းတိုင်းမှာ ဘယ်လောက်စိတ်ချမ်းသာနေမယ်ဆိုတာ
တွေးကြည့် တဲ့သူတောင် စိတ်ချမ်းသာရတာပါ။
…စာရေးသူက
စိတ်ချမ်းသာအောင်နေတဲ့သူဆို သိပ်အားကျတာပါ။ စိတ်ချမ်းသာအောင် ဘယ်လိုနေမလဲ…..?
…တချို့ကျတော့
စိတ်ချမ်းသာကြပါတယ်။ တချို့ကျတော့ စိတ်မချမ်းသာကြပါဘူး။ အဖြေကတော့ တိုတိုပါပဲ။
ကိုယ့်ရင်ထဲမှာ အကုသိုလ်စိတ်တွေ ကိန်းနေရင် စိတ်ဆင်းရဲရပါတယ်။ ကိုယ့်ရင်ထဲမှာ
ကုသိုလ်စိတ်တွေ ကိန်းနေရင် စိတ်ချမ်းသာရပါတယ်။
…တစ်ခါတစ်လေ
စိတ်ချမ်းသာနေပြီဆိုရင် ကိုယ့်ရင်ထဲကို ပြန်အာရုံပြုကြည့်လိုက်ပါ။ ကုသိုလ်စိတ်တွေ
ကိန်းနေ တာတွေ့ရပါလိမ့်မယ်။ ဒါနနဲ့ယှဉ်တဲ့ ကုသိုလ်ပဲဖြစ်ဖြစ်၊ ဝေယျာဝစ္စ
ပရဟိတနဲ့ယှဉ်တဲ့ ကုသိုလ်ပဲဖြစ်ဖြစ်၊ ဂုဏ်တော်၊ မေတ္တာ၊
ဝ်ိပဿနာနဲ့ယှဉ်တဲ့ကုသိုလ်ပဲဖြစ်ဖြစ် ကုသိုလ်တစ်ခုခု ကိန်းနေလို့ပါ။
…ဒီလိုပါပဲ။
စိတ်ဆင်းရဲနေရပြီဆိုရင်လည်း အကုသိုလ်စိတ်တစ်ခုခု ကိန်းနေလို့ပါ။ ဒေါသပဲဖြစ်ဖြစ်၊
ဣဿာမစ္ဆရိယပဲဖြစ်ဖြစ် အကုသိုလ်စိတ်တစ်ခုခုဝင်နေတာ တွေ့ရပါလိမ့်မယ်။ တကယ်လို့
စိတ်ဆင်းရဲနေလို့ ကိုယ့်ရင်ထဲကို သတိနဲ့ပြန်ကြည့်လို့ အကုသိုလ်စိတ်တစ်ခုခု
ကိန်းနေတာတွေ့ရရင် “ဒီအကုသိုလ်စိတ်ကလေးကြောင့် ငါစိတ်ဆင်းရဲနေတာပဲ” ဆိုပြီး
ဆင်ခြင်လိုက်ပါ။ ပြီးရင် ကိုယ်ကြိုက်တဲ့ ဣရိယာပုထ်နဲ့ သေချာထိုင်ပြီး ကိုယ့်ရင်ထဲက
အကုသိုလ်စိတ်ကလေးကို စိတ်နဲ့ပဲ ပြန်ကြည့်နေလိုက်ပါ။ ဖြစ်နေတဲ့
အကုသိုလ်စိတ်ကလေးကို စိတ်နဲ့ပဲ ပြန်သိနေလိုက်ပါ။ တစ်မိနစ်ပဲဖြစ်ဖြစ်၊ နှစ်မိနစ်ပဲဖြစ်ဖြစ်၊
သုံးမိနစ်ပဲဖြစ်ဖြစ်၊ ငါးမိနစ်၊ ဆယ်မိနစ်ပဲဖြစ်ဖြစ် အချိန်ကလေး ယူပြီး
ကိုယ့်ရင်ထဲမှာ ဖြစ်နေတဲ့စိတ်ကလေးကို သတိကပ်ပြီး သိနေလိုက်ပါ။
…သိပါ
သိပါများလာရင် ထွက်သွားပါလိမ့်မယ်။ တစ်ခုတော့ ရှိပါတယ်။ ကိုယ့်ရင်ထဲရောက်နေတဲ့
အကုသိုလ်က သိပ်ပြီးကြီးနေရင်တော့ အချိန်ကလေးတော့ ယူပေးရပါမယ်။
သိပါများများလာရင်တော့ တဖြည်းဖြည်း လျော့လျော့သွားပါလိမ့်မယ်။ ဒါက
စိတ္တာနုပဿနာခေါ်တဲ့ ၀ိပဿနာနဲ့ အဆင့်မြင့်မြင့် ပယ်ထုတ်ပစ်လိုက်တာပါ။
…ကိုယ့်ရင်ထဲမှာ
အကုသိုလ်စိတ်တစ်ခုဝင်လာရင် အဲဒီအကုသိုလ်စိတ်ကို ဥာဏ်နဲ့ စိုက်ကြည့်တဲ့ အလုပ်ကို
သေချာထုံထားလိုက်ပါ။ ကြာလာရင် ကိုယ်မျှော်လင်တဲ့ စိတ်ချမ်းသာမှုလေးတွေ
ရောက်လာပါလိမ့်မယ်။
…ကိုယ်က
ဝိပဿနာနဲ့ အဆင့်မြင့်မြင့် မပယ်နိုင်သေးဘူးဆိုရင်တော့ ဖြစ်နေတဲ့ အကုသိုလ်
ကလေးကိုပဲ စိုက်ကြည့်ပြီး “အကုသိုလ်ဆိုတာ မကောင်းဘူး၊ စိတ်ကိုလည်း ပူလောင်စေတယ်၊
ရုပ်ကိုလည်း ပူလောင်စေတယ်” လို့ ထပ်ကာ ထပ်ကာလေး ဆင်ခြင်ပေးနေလိုက်ပါ။ ကိုယ့်ရဲ့
ဆင်ခြင်မှုကို အသိဥာဏ်က လက်ခံသွားပြီဆိုရင် ဖြစ်နေတဲ့ အကုသိုလ်လေးက ထွက်သွားတာ
များတယ်။
…ဆင်ခြင်ပေမယ့်
အသိဥာဏ်ပိုင်းက လက်မခံသေးဘူးဆိုရင်တော့ အကုသိုလ်က မထွက်သေးပါဘူး။
ဆင်ခြင်မှုတွေများလာတဲ့အခါ အသိဥာဏ်ပိုင်းက လက်ခံသွားတဲ့အခါမှာတော့ အကုသိုလ်လေးက
မနေ၀ံ့တော့ပါဘူး။ ထွက်ကို ထွက်သွားရတော့တာပါ။
…ဆင်ခြင်တဲ့နေရာမှာ
“ဘယ်သူက ဘယ်တုန်းက ဘယ်လိုပြုခဲ့လို့ ဘယ်လိုဆိုးကျိုးတွေ ပေးသွားတာ” စသည်ဖြင့်
ကိုယ် လက်တွေ့ တွေ့မြင်ခဲ့ရတာလေးတွေနဲ့ယှဉ်ပြီး အကုသိုလ်ရဲ့ အကျိုးအပြစ်လေး တွေကို
ပေါ်နိုင်သမျှပေါ်အောင် ပုံဖော်ပြီး ကိုယ်ဆင်ခြင်တတ်သလို ဆင်ခြင်လို့လည်း ရပါတယ်။
ဒါမှမဟုတ် ကိုယ်ကြားဖူးထားတဲ့ အကုသိုလ်ဆိုးကျိုး ၀တ္ထုဇာတ်လမ်းတွေကို အာရုံပြုပြီး
ဆင်ခြင်လို့လည်း ရပါတယ်။
…အဓိကကတော့
ဒီအကုသိုလ်စိတ်ကလေးကြောင့် ကိုယ်စိတ်ဆင်းရဲနေရတယ်ဆိုတာ သေချာ သိထားဖို့ပါပဲ။
သိထားပြီး ကိုယ်ကိုယ်တိုင်ကလည်း ဒီအကုသိုလ် စိတ်ကလေးကို မလိုလားဘူးဆိုရင်
ဆင်ခြင်ပြီးပဲ ပယ်ပယ်၊ ၀ိပဿနာမှတ်ပြီးပဲ ပယ်ပယ် ပယ်လို့လွယ်သွားတာများပါတယ်။
No comments:
Post a Comment